Delhi mein Monday shaam 6:52 PM ke karib hue high-intensity blast ki jaanch mein ab bade bade terror links samne aa rahe hain. Police sources ke mutaabik, Red Fort Metro Station ke Gate No. 1 ke paas hua yeh incident ek suicide attack ho sakta hai. Dhamake ke taar seedhe Pulwama se jude hue hain.
Badle ki Saazish ka Shaq
Investigating team ko shaq hai ki yeh incident ek badla lene ka plan tha. Dhamake se kuch hi ghante pehle security forces ne Faridabad se ek bade terror module ka khulasa kiya tha, jahan se lagbhag 2,900 kg hazardous material mila tha.
Jo Hyundai i20 car blast huyi thi, uske driver ki pehchaan Dr. Umar Mohammad ke roop mein ki gyi hai, jiska connection Pulwama attack hai. Agencies ka manana hai ki Dr. Umar isi Faridabad module se jude huye the aur arrest se bachne ke liye ghabrahat mein yeh fidayeen-style attack kiya.
9 Logo ki Maut, NIA ko Probe
First reports mein 9 logo ki maut aur 20 se zyada logo ke ghayal hone ki khabar hai. Forensic teams ne site se highly potent explosive use hone ki confirmation di hai. Home Ministry ne turant is case ko NIA (National Investigation Agency) ko hand over kar diya hai aur Delhi ko high alert par rakha gaya hai. Investigation team ab car owner aur Pulwama connection ki gehri jaanch kar rahi hain taaki is planning ke peeche ke masterminds kon hai uska pata lgaya jaa sake.
