Bihar Assembly Elections ke karib aate hi, Lalu Prasad Yadav k parivar mein chal raha political aur personal jhagda ab khulkar sabke saamne aa gaya hai. RJD ke liye yeh situation ‘Do or Die’ jaisi pratit hoti huyi nazar aa rhi hai, jahan chote bete Tejashwi Yadav aur bade bete Tej Pratap Yadav ki aapsi me huyi takkar se party ka votes base ka ghatne ka khatra nazar ata dikh rha hai.
Tej Pratap, jin ko is saal mein May mein RJD se nikaal diya gaya tha, ab apni nayi party Janshakti Janata Dal (JJD) chala rahe hain. Unhone apni purani seat ko Mahua se chunav ladkar RJD ko seedha challenge de diya hai.
Bhai Ki Jung
Dono bhaiyon ke bich ki yeh ladai ab zubaani jung ban chuki hai. Tej Pratap baar-baar Mahagathbandhan ke CM candidate yani apne chote bhai Tejashwi par nishaana saadh rahe hain. Unhone Tejashwi ko “Doodhmuha Baccha” (immature child) bola aur kaha ki election ke baad woh Tejashwi ko “Jhunjhuna” pakda denge.
Is ladai ki gambhirta tab dikhayi padi jab Patna airport par dono bhai aamne-saamne aaye, par Tej Pratap ne Tejashwi ko andekha karke chupchaap aage badh gaye. Yeh incident social media par viral ho gaya, jise logon ne parivarik takraar ki dardnaak jhalak mana hai.
Seats Ka Takraar!
Yeh jhagda Vaishali district ki do high-profile seats par focus ho gaya hai!
- Tejashwi apni traditional seat Raghopur se 3rd time MLA banne ki koshish mein hain, jise Lalu family ka gadh mana jaata hai.
- Tej Pratap apni nayi party ke saath Mahua se election lad rahe hain, jahan pe woh apmaanit bade bhai ki image bana rahe hain.
Tejashwi khud Mahua mein RJD candidate ke liye campaign karne gaye, jahan unhone vote maangte hue saaf kaha, “Party sabse badi hai. Chahe koi aaye ya jaaye, Party se bada koi nahi hai.” Iske jawab mein Tej Pratap ne hint diya hai ki woh Tejashwi ki seat Raghopur mein jaakar unke khilaaf prachaar kar sakte hain.
Chunavi Nuksaan!
Tej Pratap ka RJD se alag hokar alag party banana RJD ke liye bada mehnga pada. JJD se Yadav vote bank mein alag hone ka darr hai. Political experts ka yeh manna hai ki Muslim-Yadav ke vote base ka chhota sa hissa bhi agar NDA (opposing alliance) ki taraf gaya, toh Tejashwi ka Chief Minister banne ka adhura reh sakta hai.
