Delhi – Agra Expressway per Tuesday ek bada haadsa ho gaya, jahan bhut si buses mein achanak aag lag gayi. Is ghatna ke baad poore jagha mein afra-tafri mach gayi.
Bataya ja raha hai ki buses chalti halat mein thi aur tabhi aag lagni shuru hui. Kuch hi der mein aag bhayankar ho gayi aur passengers ko nikalne ka mauka tak nahi mila. Log jaan bachane ke liye chillate rahe, lekin aag aur dhuein ki wajah se halat aur bigadti gyi.
Is haadse mein ab tak 13 logon ki maut ho chuki hai, aur kai log gambhir roop se ghaayal hue hain. Ghaayalon ko turant najdeeki hospitals mein admit karwaya gaya.
Haadse ki jaankari milte hi police, fire brigade aur ambulance teams mauke par pahunchi aur aag par kabu paaya. Expressway par lamba traffic jam lag gaya.
Filhaal aag lagne ki wajah clear nahi hai. Shuruati jaanch mein technical fault ya short circuit ki sambhavna batayi ja rahi hai. Administration ne maamle ki jaanch shuru kar di hai.
