Rewa ki ek private school ki Class 11th ki 17 saal ki student ne apni jaan leli, aur peeche ek handwritten suicide note chod diya jisme usne apne school ke teacher par regular harassment aur physical torture ka ilzaam lagaya tha. Iss incident ne shahar mein shock ka mahaul paida kar diya hai.
Police ke hisaab se, ladki ne 16 November ko apne ghar mai pankhe se latki huyi mili thi. Parivaar waale turant ladki ko hospital lekar gye, lekin doctors ne saaf saaf jawab de diya tha. Jaanch Padtaal se pta chal ki police ko ladki ke kamre se ek suicide note mila aur ladki ka phone mila.
Note mein ladki ne likha tha ki ek uske school ka male teacher use baar-baar saza “punishment” ke naam par torture karta tha. Woh uski ungliyon ke beech pen daba deta tha aur, uska haath pakad kar kehta tha, ki Agar dum hai toh meri band muthi khol ke dikhao.” Ladki ne yeh bhi likha ki teacher aksar uska haath pakad kar bolta, “Dekho, mere haath kitne thande hain”, jisse woh uncomfortable mehsoos karti thi.
Uske Parivaar Waalon ka kehna tha ki ladki ekdum theek thi aur use koi bhi stress ya tension nhi thi. Uske parivaar vaalon ka kehna hai ki school mei kuch esa hua hai ki jisse usne yeh kadam uthaya hai. Parivaar waalon ne poori janch padtaal karne ko kaha, calls detail checking, aur teacher ki janch padtaal.
Rewa ki Police ne kaha ki Iss case ko sabse priority par investigate kiya jayega. Suspect Place se mili huyi sabhi cheezon ki jaanch chalu hai, Teachers, classmates, school ke staff aur school administration se detailed questioning hogi. Forensic team handwriting verify karegi.l
Iss incident ke baad se social media aur parents groups par logo ka gussa dekhne ko mil raha hai. Experts ka maanna hai ki yeh case dikhata hai ki schools mein child protection policies aur counseling system ko sahi tarike se follow nhi kiya jaa rha hai.
