Ek aadmi ka kehna hai ki jaise hi usne job chhodi, uski zindagi mein unpredicted positive changes aane lage. Itne saalon se jo stress, constant headache aur smoking addiction uske saath judi thi, wo sirf kuch hi dinon mein kaafi hadd tak kam ho gayi. Unka maanna hai ki problem sirf lifestyle ki nahi, balki toxic work pressure ki bhi hoti hai.
Roz subah office jaane ka stress, deadlines ka pressure aur seniors ka constant follow-up uske dimaag par heavy pad raha tha. Sir mai dard itna badh gaya tha ki painkillers daily routine ka hissa ban chuka tha. Stress kam karne ke liye smoking ek aadat ban gayi thi, jo dheere – dheere addat mein badal gayi.
Job chhodne ke baad, pehle kuch din use anxiety hui – kyunki paisa zaroori hai. Bills, responsibilities aur future ka darr sabke dimaag mein aata hai. Lekin jaise – jaise din guzarte gaye, usne notice kiya ki uski neend better ho rahi hai, headaches gayab ho gaye hain aur smoking ki craving bhi bhut kam ho gyi hai.
Woh maanta hai ki job chhodna solution sabke liye nahi ho sakta, lekin apni mental aur physical health ko ignore karna bhi sahi nahi hai. “Paisa zaroori hai par mental peace usse bhi zyada important hai,” woh kehta hai. Agar kaam hi aapki sehat bigaad raha hai, toh shayad pause lena, break lena ya better options explore karna galat nahi.
Is kahani se ek hi seekh milti hai – success sirf salary slip se nahi, balki healthy mind aur body se bhi measure hoti hai.
