“Kabhi socha hai… ek jungle jab khatam hota hai, to sirf ped nahi girte… ek poori duniya bikhar jaati hai.”
Hyderabad ke Kancha Gachibowli area mein… 400 acre ka forest… chhup-chaap kaat diya gaya.
Bina kisi announcement ke, bina kisi discussion ke. Bas bulldozers aaye… aur nature ki saans kheench li gayi.
Satellite images ne sach dikhaya ki sirf 4 din mein… 2 square kilometre jungle gaayab.!!
Aur sabse dardnaak baat? Ye jungle sirf pedon ka nahi tha…
Yahan parenday rehte the, chhoti wildlife thi… aur un sab ka ghar ek hi pal mein mita diya gaya.
Students ne awaaz uthayi, protest kiya… lekin kuch ko police ne uthaa liya.
Jungle ki cheekh koi nahi sunta… lekin ab waqt aa gaya hai, hum uski awaaz banein.
Yeh sirf Hyderabad ka issue nahi hai… har sheher ke kone mein koi na koi jungle, kisi builder ke blue print mein dab chuka hai.
Jab last ped katega… jab last parinda ud jaayega… tab kya banega apka aur mere sapno ka future?
Aaj bhi waqt hai… jungle ke liye khade ho jao. Nature ke liye nahi… apne liye.
