Goa ki raat… music, lights, chamak dhamak, party vibes — sab kuch normal sa lag raha tha.
Lekin 6 December Goa Night Club ki woh raat ek aisi tragedy bani jiske bare mai Goa aur vahan log kabhi nahi bhool paayenge.
Goa, Arpora mai Birch by Romeo Lane Nightclub ke andar ek massive fire blast — aur kuch hi seconds ke andar poora club aag ki chapet mein aa gaya. ghabadaahat, chikna, smoke, dhua… aur sirf 2 exits. Bachne ki gunjaish na ke barabar.
Gawah ke mutabik sab kuch normal sa chal raha tha—dance floor pura bhara hua tha, Rangeen Chamak Dhamak, Club ka staff pura busy—tabhi ek kaan fod explosion ne puri raat ko maut ke ek na soche jaa sakne vale manzar mai badal diya.
Aag ki chapete itni tezi se badh rahi thi ki basement aur kitchen mai fasse hue logon ko bahar nikalne ka time hi nahi mila. Dhuaan itna jehrila aur jyada tha ki kuch hi seconds mein consciousness loss ho rahi thi. 25 log, jismein se adhiktar hardworking staff members the, blast aur smoke inhalation ki vajah se zinda nahi bach paaye.
Investigation puri hone ke baad jo sach samne aaya, woh chaukane wala tha. Club ke andar ka interiors flammable materials se bana tha, bahar nikalne ke sirf do hi raaste the jo ki pure crowd ke liye kaafi nahi the, fire-safety ke approvals incomplete the aur ventilation fail ho chuki thi, fire brigade ke trucks club ke saamne tak nahi pahunch paaye. Har ek choti safety lapse ne milkar raat ko ek bhayank ragaue bana diya.
Night Club Incident ke baad authorities ne tezi se action liya. Club owners ke uppar serious criminal charges lagaye gaye aur kai staff aur managers ko giraftaar kar liya, aur case itna sangeen ho gaya ki owners ke upar Interpol Blue Corner Notice tak issue kiya gaya. Social media par logon ka gussa clear tha – sabhi ne system ki laaparvahi, authorities ki monitoring failure aur nightlife venues ki safety standards ko lekar sawal uthaye.
