New Year 2026 TV actor Arjun Bijlani aur unki family ke liye khushi ki jagah gehra dukh lekar aaya. Saal ke pehle hi din unke father-in-law Rakesh Chandra Swami ka 73 saal ki umr mein ek fatal brain stroke ki wajha se nidhan ho gaya. Jo din celebration aur fresh beginnings ka hota hai, wahi din Bijlani family ke liye ek emotional shock ban gaya.
Reports ke mutaabik, 29 December 2025 ko Rakesh Chandra Swami ko achanak stroke aaya. Unhe turant Mumbai ke Bellevue Hospital mein admit kiya, jahan unki condition kaafi critical thi aur unhe ICU mein ventilator support par rakha gaya. Doctors ne puri koshish ki, lekin teen din ke baad bhi unki health mein koi major improvement nahi hua. 1 January ki subah unhone aakhri saans li.
Is waqt Arjun Bijlani, unki wife Neha Bijlani aur beta New Year holidays ke liye Dubai mein the. Jaise hi unhe medical emergency ki khabar mili, family ne apni trip short karke turant Mumbai return kiya. Celebration se seedha hospital ka safar unke liye emotionally bahut tough tha.
Arjun ka apne father-in-law ke saath relation kaafi close the. Apne real father ko bachpan mein kho dene ke baad, Rakesh Chandra Swami unke liye ek strong father figure the. Funeral Mumbai ke Oshiwara crematorium mein private ceremony ke saath hua, jahan Arjun apne bete ko hug karte hue kaafi emotional nazar aaye.
TV industry ke doston ne bhi family ko support diya. Fans aur well-wishers social media par apna pyaar, prayers aur support share kar rahe hain, aur Bijlani family ke liye strength aur jaldi healing ki dua kar rahe hain.
