Noida ke Sector 150 mein hue ek tragic incident ne poore shehar ko hila diya hai. Ek young tech professional ki jaan chali gayi, jab unki gaadi ek under-construction site ke paani se bhare pit mein gir gayi. Is ghatna ke baad film producer Sonal Mehrotra Kapoor ne authorities par serious sawal uthaye aur rescue system kai failure ko openly question kiya hai.
Yeh haadsa raat ke waqt hua tha, jab victim apni car se ghar laut rahe the. Dense fog aur proper barricading ki kami ke chalte, gaadi ek gehre, water-filled pit mein jaa giri. Construction site par na warning signs the, na hi safety lights. Bataya ja raha hai ki victim ne kaafi der tak madad ke liye awaaz lagayi aur phone calls bhi kiye, lekin timely rescue nahi ho paaya.
Rescue teams ke late pahunchne ki wajha se, proper equipment ki kami aur coordination failure par ab serious concerns uth rahe hain. Sonal Mehrotra Kapoor ne kaha ki yeh sirf ek accident nahi, balki system ki laaparwahi ka nateeja hai. Unhone sawaal kiya ki agar emergency response trained aur equipped hota, toh shayad ek zindagi bachai ja sakti thi.
Is incident ne urban planning, construction safety aur public infrastructure par ek baar phir bada sawal khada kar diya hai. Log yeh pooch rahe hain ki developed sectors mein bhi basic safety norms kyun ignore kiye ja rahe hain.
Yeh tragedy sirf ek parivaar ka nuksaan nahi hai, balki ye tho ek warning hai – agar accountability aur preparedness ko serious nahi liya gaya, toh aise haadse dobara bhi ho sakte hain.
