Odisha se ek disturbing incident saamne aaya hai jahan 18 young wrestlers, jinmein 8 ladkiyan bhi shamil hain, aur unko national-level wrestling championship ke liye jaate waqt train ke toilet ke paas zameen par baithkar safar karna pada. Is poore hadse ka video social media par viral ho gaya hai, jiske baad desh bhar mein logo ka gussa aur sawal dono uth rahe hain.
Yeh wrestlers 69th National School Wrestling Championship mein participate karne ke liye Uttar Pradesh ke Ballia ja rahe the. Reports ke mutabik, Wrestling team ke liye confirmed train tickets arrange nahi ho paaye the, jiski wajah se players ko general compartment mein adjust hona pada. Video mein clearly dikh raha hai ki bachche apne bags ke saath minimal space mein, toilet ke ekdum paas baithe hue hain, jahan smell aur discomfort ka andaza lagana mushkil nahi hai.
Athletes ne khud bataya ki itne uncomfortable travel ka seedha asar unki physical aur mental preparation par pada. Thand, bheed aur lack of basic dignity ke beech focus maintain karna unke liye bahut difficult ho gaya. Yeh sawal bhi uth raha hai ki jab desh ka future represent karne wale players ke saath aisa behaviour hota hai, toh sports development ki baatein kitni sacchi hain.
Incident ke baad Odisha ke concerned departments ne report mangi hai aur travel arrangements mein hui lapses par jawab talab kiya ja raha hai. Social media par log keh rahe hain ki medals ki umeed rakhne se pehle, basic respect aur proper facilities dena compulosory hai.
Ab sabki nazar is baat par hai ki zimmedaar logon ke khilaaf actual action kab hoga, taaki future mein kisi athlete ko aisa experience na jhelna pade.
