Delhi-NCR mein subah se chhayi dhundh ne normal life ko buri tarah prabhavit kiya. Visibility bahut kam hone ki wajah se highways par vehicles ko chalana mushkil hugya tha, jiska result ek bade road khatna ke roop mein saamne aaya. Low visibility ke chalte ek highway par pehle bus ka control bigda aur uske baad truck, car aur bike ek ke baad ek takra gaye.
Chashmdeedon ke mutabik, dhundh itni ghani thi ki aage chal rahe gaadio ka andaza lagana lagbhag namumkin tha. Ek vehicle ke brake lagate hi peeche se aa rahi dusre gaadio ko reaction ka time hi nahi mila, aur chain collision ho gaya. Accident ke baad highway par lamba traffic jam lag gaya, jisse sbko pareshani hui.
Police aur emergency teams ne mauke par pahunchkar rescue operation shuru kra aur injured logon ko turant hospital bheja. Authorities ne drivers ko salah di hai ki foggy conditions mein slow speed rakhein,laur safe distance maintain karein.
Weather department ke anusaar, agle kuch dinon tak dhundh ka asar bana reh sakta hai. Aise mein road safety rules follow karna aur unnecessary travel avoid karna hi sabse behtar option hai.
