New Delhi, 21 April 2025:
Bangladesh ke Rangpur district mein Hindu community ke ek pramukh neta Haripada Dutta ki hatya ke baad Bharat ne Bangladesh sarkar par sakht aur saaf message diya hai – ab aur chuppi nahi chalegi.
Haripada Dutta, jo local Hindu samajh ke respected leader the, unki suspicious circumstances mein hatya ho gayi. Is incident ke baad Hindu community mein to gussa hai hi, lekin ab Bharat bhi khula reaction de raha hai.
Ministry of External Affairs (MEA) ne Bangladesh ko lekar apna concern express karte hue kaha: “Bangladesh mein Hindu minorities ke khilaf lagatar attacks bahut chinta ka vishay hain. Hum Bangladesh sarkar se umeed karte hain ki wo turant aur effective action le, jisse guilty logon ko saza mile aur minorities ki safety ensure ho.”
Bharat ki 3 main demands bhi rakhi hein:-
- Haripada Dutta ki hatya ki impartial aur fast investigation ho
- Culprits ko arrest karke punishment di jaye
- Bangladesh mein minorities, especially Hindus, ke liye concrete safety measures laaye jayein
Is hatya ke baad Indian social media platforms par log khule taur par Bangladesh ke system aur Bharat ki foreign policy ko question kar rahe hain. Kai logon ne kaha ki “yeh sirf ek insaan ki hatya nahi hai, ek poori community ka suppression hai.”
Bangladesh ki taraf se ab tak koi official statement nahi aayi hai, lekin local sources ke according investigation start ho chuka hai.
Yeh pehla case nahi hai , pichhle kuch saalon mein Bangladesh mein Hindu leaders aur activists par attacks badhe hain. Is wajah se international level par bhi concern uthne laga hai. Bharat ne phir se yeh clear kiya hai ki wo ek inclusive aur safe Bangladesh ka supporter hai, lekin agar minorities ko protection nahi milega, toh diplomatic silence break karna zaroori hai.
