Mustafabad ke ek purane building ke girne ke baad rescue operation tezi se chal raha hai. Aaj subah 3 aur survivors ko debris se zinda nikala gaya, jisse ab tak total survivor count 18 tak pahuch gaya hai.
Yeh building 19 April 2025 (Saturday) ko subah lagbhag 2:39 baje gir gayi thi, jisme kai log andar phanse hue the. NDRF (National Disaster Response Force) aur local rescue teams lagataar kaam kar rahi hain – poora area ab bhi cordoned off hai.
Officials ka kehna hai:
“Hamari priority hai zyada se zyada logon ko zinda bahar nikalna. Rescue operation round-the-clock chal raha hai.”
Kya hua tha incident ke waqt?
Eyewitnesses ke mutabik, building mein pehle se cracks the. Kuch logon ne vibration jaisi feeling bhi notice ki thi.
Fir achanak ek zor ka sound aaya… aur poori building dhad se gir gayi.
Locals ne turant emergency services ko call kiya aur pehla rescue unhone khud hi start kiya.
Ab tak ka update:
18 log zinda nikale ja chuke hain
4 logon ki maut confirm hui hai
6 log ab bhi missing hain
100+ officials site pe kaam kar rahe hain
Kya building illegal thi?
Sources keh rahe hain ki building unauthorised ya structurally weak thi. MCD ne is area mein pehle bhi kuch buildings ko unsafe declare kiya tha, lekin proper action nahi liya gaya.
Ab iske baad inquiry start ho gayi hai – kaun responsible hai, kisne permission di, aur maintenance kab last hua tha – sab cheezein investigate ho rahi hain.
Public reaction:-
Locals mein gussa hai. Log keh rahe hain –
“Hamare area mein aise kitni buildings aur hain. Kya har baar ek building girne ka wait karenge authorities?”
Yeh chaar-manzila building Shakti Vihar area mein gir gayi thi, jisme kai log marnay aur kai ghayal hue.
