EPISODE 1: Kedarnath – Mahadev Ka Gussa!
“Mahabharat ke baad Pandav paap ke bojh se bechain the…
Guru ke khoon ka paap… bhaiyon ka sanhaar…
Unke man mein bas ek hi sawaal tha ki “moksha milega kaise?”
“Bhagwan Shankar ke darshan ke liye Pandav Himalaya ki or nikle.
Lekin Mahadev to rooth gaye the…
Woh Pandavo se milna nahi chahte the… aur bhag gaye!
Haan bhai… bhagwan bhi bhag gaye the!”
“Shiv ji ne bhains ka roop dharan kar liya aur kedar ki ghaati mein chhupe…
Lekin Bheem ne unhe pakad liya…
Bhains ka pichla hissa “peeth” zameen mein ghus gaya…
Aur wahi par bana – Kedarnath Mandir!
Jahan Shiv ji ne swaroop diya tha – pashu roop mein bhi divyata!”
“Yeh tha pehla Kedar…
Ek bhagwan jo rooth gaye the, aur ek paapi jo maafi maang raha tha…
Agle episode mein – jahan Mahadev ka bhuja roop darshaya gaya…
Milte hain Tungnath mein!”
EPISODE 2: Tungnath – Bhuja Ka Bhakt
“Pandav ab jaane lage the…
Unhone Kedarnath mein Shiv ji ke peeth roop ke darshan kiye…
Lekin Shiv ji ab bhi poore roop mein prakat nahi hue the…”
“Phir ek aur chamatkaar hua…
Shiv ji ka “bhuja roop” *haath* prakat hua ek aur jagah par…
Jahan par Bheem ne bhains ki pehchaan ki thi…
Us pahaadi par… jaha shiv ki karuna aur krodh ek sath mehsoos hota hai…
Usi jagah bana – Tungnath Mandir – duniya ka sabse uncha Shiv Mandir!”
“Yahan Mahadev ne Pandavo ko ek aur paath diya…
‘Mukti sirf darshan se nahi, seva se milti hai…’
Pandavo ne Tungnath mein tapasya ki… aur Shiv ji ne unhe apna haath diya –
Ek ashish… ek ashirwaad… ek aur kadam moksha ki or…”
“Tungnath sirf ek mandir nahi…
Yeh us karuna ka prateek hai jo Shiv dete hain,
jab paapi bhi sacche man se sharan maangta hai.”
EPISODE 3: Rudranath – Rudra Roop Ka Raaz
“Ab tak Pandav do Kedar dhoond chuke the…
Lekin asli kasauti ab shuru hui thi…”
“Shiv ji ka agla roop – Rudra
Jis roop se brahmand ka vinash bhi hota hai, aur naya janm bhi!
Aur is baar… Shiv ka mukh prakat hua… lekin ek dam rudra swaroop mein.”
“Ye wo jagah thi jahan Shiv rooth kar tapasya mein leen ho gaye the…
Pandavo ne unhe manane ke liye poori atma se bhakti ki…
Aur ek din, Shiv ji ne apna mukh prakat kiya –
Lekin aankhon mein aag thi…
Jo swayam kaal ko bhi bhula de!”
Rudranath Mandir…
Yahan Shiv ke mukh ka darshan hota hai…
Aur kehte hain – agar tum sachche ho… toh unki aankhon se apna jeevan dekh paate ho…
Varna… sirf andhera
“Yeh tha Rudranath –
Jahan Shiv rudra hai, lekin dayalu bhi…
Jahan bhakti mein bhi bhay ka bhaav hota hai…”
EPISODE 4: Kalpeshwar – Jataon Mein Chhupa Brahmaand
“Rudranath mein Shiv ne apna roop dikhaya…
Lekin Pandav jaante the –
abhi bhi Shiv ji poore roop mein prakat nahi hue hain…”
“Tabhi… Himalaya ke ek aur rahasyamayi hisse mein…
ek jagah thi jahan Mahadev ki jataayein prakat hui…
Aur wahi bana – Kalpeshwar Mahadev Mandir.”
“Ye eklauta Panch Kedar hai jahan poora saal darshan hota hai…
Aur yahan Mahadev ke jata roop ki pooja hoti hai –
Wahi jataayein jisme Ganga samaayi thi…
Wahi jataayein jisme brahmand ka raaz chhupa hai…”
“Pandavo ne yahan bhi tapasya ki…
Aur Mahadev ne apne jata roop mein darshan diye…
Is jagah ka naam hi keh deta hai sab kuch –
Kalpeshwar – jahan kaal bhi shant ho jaye…”
EPISODE 5: Madhyamaheshwar – Nabhi Ka Nirmaan
“Char Kedar… char roop…
Aur ab aakhri kadi… jahan Shiv ne diya apna nabhi roop…
Jahan se paap mukt hota hai, aur punarjanm ki katha likhi jaati hai…”
“Himalaya ki chhati pe basa ek mandir…
Jahan tak pahuchna asaan nahi…
Lekin Pandav rukne wale nahi the.
Unhone yahan Mahadev ke nabhi roop ki pooja ki –
Jo janm aur mrityu ke beech ka sach hai…”
“Yahan Shiv ne bataya –
‘Main tumhare paapon ko jala nahi raha…
Main tumhe naye roop mein janm dene ja raha hoon…’
Aur tab Madhyamaheshwar mein uday hua ek aisa shivling –
Jismein sanhaar bhi tha… aur srishti bhi.”
“Pandavon ki tapasya poori hui…
Aur Shiv ne poore roop mein apne paanch swaroopon se darshan diye.”
HAR HAR MAHADEV!
